自去年11月區議會換屆選舉後，黃政棍把持區議會搞到烏煙瘴氣，17區區會充斥著仇警風氣，黃政棍更不時刁難辱警。其中九龍城區議會14名反對派區議員日前聯署拒絕警務處處長鄧炳強出席會議；中西區區議會早前更越權禁止兩名警方代表出席會議，仲公然話要拆除西區警署，簡直離晒大譜！
即使遭到黃政棍刁難，但警方依然好有誠意同區議會合作。一哥鄧炳強喺記者會上表示，區議員拒絕他出席區議會令市民失望，直言過去喺區議會會議上一直有問必答，不亢不卑，每次都講真話。他又指，「可能我嘅答案唔係佢哋想聽，聽咗呢啲真話會唔舒服，或者佢哋擔心我講出嚟嘅事實畀市民聽到，對佢哋不利。」
一哥仲反問，「究竟聯署14位議員係咪好擔憂我講真說話呢？係咪好擔憂我既正義呢？係咪好擔憂佢哋嘅謊言會畀我道破呢？佢哋有14個人，我得一個，你驚咩呢？」他批評區議會居然連讓官員出席對話嘅勇氣都無，直斥區議員有負市民所託。
一哥呢番說話可謂一針見血！呢班黃政棍到底驚啲乜？好明顯就係驚警方講出真相，道破黑暴謊言。一哥每次到區議會出席會議，都會同黃政棍唇槍舌劍，用事實駁到佢哋啞口無言，明眼人一睇就知黃政棍唔夠一哥講，咁佢哋唯有出嗱渣招唔畀一哥到訪，邊個講緊大話，大家心中有數！
黃政棍出盡嗱渣招刁難辱警，目的就喺為咗討好攬炒派爭取選票，不過大話就喺大話，永遠都唔會變成事實。黑暴大勢已去，市民早已認清黃政棍嘅醜惡面目，就讓我哋放長雙眼睇吓佢哋仲可以囂張得幾耐！
原圖：https://www.dotdotnews.com/a/202010/14/AP5f870441e4b0798bda810677.html;
https://www.facebook.com/kcdcprodemocracy/photos/a.101727118053930/101727124720596