博客

博客

4300萬英鎊真係咁「皇恩浩蕩」?

施梓山 2021年04月13日 16:00

施梓山︰「無論英國撥款4,300萬英鎊,還是4億3千萬英鎊也好,實際上都只係「左袋轉右袋」益返自己英國人的數字宣傳,算得上是什麼的「皇恩浩蕩」?「口惠而實不至,怨災及其身」,這句話出自《禮記》,英國的BNO移民計劃等着應驗吧!英國如果真係咁有「道義責任」,早就應該向每個BNO港人每人派1萬英鎊,而且應該馬上廢止乜嘢「5+1」移民限制,但英國的政客做得到嗎?」

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

英國宣布撥款4,300萬英鎊,支援透過「BNO 5+1」入籍英國的港人,計劃宣稱是為了令這些港人更易融入當地社會。

4,300萬鎊約等於4.6億港元,單看這個數字,英國似乎很慷慨支援這些拿BNO移居英國的港人,但實情是否如此呢?我想起「真係有冇咁大隻蛤乸隨街跳」這句話。

看看這4,300萬鎊怎樣用,又怎樣分配吧!3,070萬鎊將撥給英格蘭地區議會,580萬鎊撥給蘇格蘭、威爾斯、北愛爾蘭地方政府,為新移居者作額外支援。另有500萬鎊將成立12個「歡迎中心」,協助BNO移民尋找房屋、教育和就業機會。

換句話說,這三個數加起來的款項,其實絕大部份都只係落返英國自己的口袋,受益的是英國地方政府、議會,創造的工作機會英國人自己享受,BNO移居者根本冇錢可以直接落袋。即係嚿豬肉睇嚟好似好大嚿,但原來只係有得睇冇得食。

就算英國真係咁「皇恩浩蕩」,這折成4.6億元港幣的4,300萬鎊全數派贈給BNO移民,平分下來,每人又可以分得幾多?如果以有5萬人移民計,每人可得港幣$9,200,如果以10萬人移民計,每人只分得港幣$4,600。

香港今個財政年度每人都派$5,000電子消費券啦,去年每人更獲派一萬蚊。更何況,英國這筆4,300萬鎊的所謂支援,根本都不是直接入落BNO移民嘅口袋!

攞住本BNO去英國移民,睇起嚟好似好風光激情浪漫,但關鍵係到咗英國之後搵唔搵到食?理想好浪漫,現實好骨感,脫歐後英國的經濟有「幾好」?真係比香港「好」?大家心裏有數啦!

所以「5+1」係唔係真係咁正?如果捱唔到6年咁點呢?你估英國政府會唔會用庫房養起你全家?如果英國經濟冇起色,幾萬又好,10幾萬又好,甚至20、30萬又好,香港這些BNO移民去到英國,最終咪又係只會畀人哋視作到英國爭飯食、攞福利的二等公民,遭人白眼,到時唔知民主自由仲值幾錢幾両呢?

道不同不相為謀,移民是個人的選擇。黑暴之後,香港有人要移民去英國體驗民主,親身睇吓英國個月亮係咪比香港圓,其實都冇乜所謂。因為香港背靠強大的祖國,我哋唔怕貨比貨,冇咗一班食碗面反碗底、搞破壞嘅人,香港未來只會比英國更好。

無論英國撥款4,300萬英鎊,還是4億3千萬英鎊也好,實際上都只係「左袋轉右袋」益返自己英國人的數字宣傳,算得上是什麼的「皇恩浩蕩」?「口惠而實不至,怨災及其身」,這句話出自《禮記》,英國的BNO移民計劃等着應驗吧!英國如果真係咁有「道義責任」,早就應該向每個BNO港人每人派1萬英鎊,而且應該馬上廢止乜嘢「5+1」移民限制,但英國的政客做得到嗎?

原圖︰https://std.stheadline.com/realtime/article/1404564/%E5%8D%B3%E6%99%82-%E6%B8%AF%E8%81%9E-%E8%8B%B1%E5%9C%8B%E6%98%8E%E5%B9%B41%E6%9C%8831%E6%97%A5%E8%B5%B7%E5%8F%97%E7%90%86BNO%E5%B1%85%E7%95%99%E7%B0%BD%E8%AD%89%E7%94%B3%E8%AB%8B-%E7%84%A1%E9%99%90%E9%A1%8D%E8%B2%BB%E7%94%A8250%E8%8B%B1%E9%8E%8A

投票已截止,多謝支持

發表意見

排列方式: