相信無人唔識黃之鋒,現年24歲嘅佢,已經案底纍纍,佢舊年年尾,因前年「包圍警總案」被判監,早前佢又因前年嘅「反蒙面法遊行」,以及去年嘅「未經批准集結罪」罪成,再被判處4個月監禁。
此外,佢仲涉「初選案」被控涉違國安法,而且下個月就開庭提訊。
即將面臨可能再加監嘅佢,似乎已經心灰意冷打定輸數。日前同樣涉「初選案」嘅前南區區議員袁嘉蔚,佢嘅團隊喺Facebook轉載咗一篇訪問:訪問中話,黃之鋒曾託律師傳口訊,話自己好大機會,踎監踎到30歲。
黃之鋒仲成陣Sad味出晒嚟,好哀歎咁話:「大家日後再見時,我可能已經係三十幾歲嘅中佬。」
訪問入面仲話,雖然佢哋都心知黃之鋒,會係踎得最耐嗰個,但當聽到咁嘅轉述,嗰下個心即時Feel到好震撼嘅感覺,仲話情緒一時之間難以平復喎。
黃絲就係咁誇張,黃之鋒呢句說話有幾震撼呀?係咪見佢入去嗰時仲係後生仔,出返嚟就變中佬,當堂嚇咗一跳?
難得佢一生人之中,可以有咁非凡嘅精彩人生體驗,由後生仔坐到變中佬都喺監獄中度過,應該祝佢開口中先啱啦!你哋話係咪?
👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk
原圖:幫港出聲影片截圖
投票已截止,多謝支持