港台主持曾志豪上周五6月18日，在主持完電台節目《瘋Show快活人》之後，被節目編導、監製及台長召見，被告知下周一起不用再上班。由於曾志豪並非港台員工，只是合約提供者，「不用再上班」的實際意思，其實就是即是解僱，立刻炒魷的意思。
對於年花十億公帑卻屢受詬病，淪為與反對派同聲同氣，長年不務正業，攻擊政府的港台，曾志豪被炒只是撥亂反正的一小步，港台距離回復正常，還有很長的路要走。
但遲到好過冇到，繼囂張要特首講人話的利君雅不獲正式轉制成為公務員，《鏗鏘集》編導蔡玉玲被停工後，曾志豪被即時解僱，是正常不過的事，誰會感到「意外」？
港台最大嘅亂龍、最大的不道德，是拿政府的錢去攻擊政府。俗語講嘅「食碗面反碗底」、「反骨仔」，最令人不齒。
像曾志豪這類曾經在節目上公然附和所謂「三罷」，又常年在其他媒體毫不掩飾抨擊政府和揶揄中央，擺明是同反對派同一個鼻子出氣，如此反政府政治立場鮮明的人，港台提供平台給他表演，早就是一種錯誤判斷。給這種帶有強烈政治取向的人霸佔大氣電波，一分鐘也嫌多，但港台卻一錯就十年八年。
曾志豪在港台還曾多年參與陰陽怪氣的《頭條新聞》演出，先後飾演所謂小豪子和徐副官的角色，自以為「有趣」，實質是低俗鄙陋，惡意挖苦。輕鬆針砭時弊不是不可以，但總得有條界線，就是要公道和要有事實基礎，不應偏頗。但《頭條新聞》多年來有做到嗎？沒有！有的只是同反對派一樣：為反而反，為鬧而鬧，一味單邊醜化建制和政府。而且仲要由香港納稅人出錢畀你表演偏頗，你話點講得過去？
另外，再以曾志豪主持的電台節目《瘋Show快活人》為例，一個定位為輕鬆休閒的大氣電波節目，卻不時滲透社會政治爭議在其中，就算你話主持語調只係「嬉笑怒罵」， 這本身就是一種無形的政治宣傳效果。一個強烈政治取向和形象的人，根本不適合做休閒節目的主持人，道理就係咁簡單。
對於曾志豪被炒，有個所謂的前新聞系助理教授跑出來，煞有介事地評論事件為「港台會失去批評、嘲笑政府和社會現象的功能， 有損公共電台的可信性。」真係可笑性十足！政府出錢營運的公營電台，功能就只係要「嘲笑政府和社會現象」？呢個係黎智英同埋攬炒派嘅目的，呢位教授係唔係應該叫黎智英出錢去資助港台呢？仲有，任何媒體包括公共電台嘅可信性，係靠報道事實同客觀中立，而唔係靠嘲笑批評呢種旁門左道，唔該啲所謂嘅學者先搞清楚。
曾志豪被即時炒魷後，戚戚然表示「對觀眾感到遺憾，因為未有機會道別」。黃到出汁的港台工會也公開質疑，有關安排是「對人不對事，做法粗暴、絕情，極不尊重」云云。
香港黃色傳媒圈真的是一個怪圈，長年的習非成是，令人黑白顛倒，一啲正常人都講唔出、諗唔到嘅「邏輯」，佢哋都可以若無其事講得出口。一個員工被終止僱用，唔少公司企業都奉行「即時通知、即時離職」， 有啲甚至動用保安員睇住你執嘢，護送你離開辦公室，咁算唔算係港台公會口中嘅「做法粗暴、絕情，不尊重」？
香港顛三倒四、積非成是的黃毒橫行已經太多年了，港台是其中一個重災區。這次曾志豪被炒實屬抵死，只是撥亂反正的一小步，早就應該要即時解僱。這種撥亂反正希望陸續有來，否則港台應該早啲摺埋。
原圖：https://bit.ly/35CYZ9k、https://bit.ly/3wJShub