博客

博客

杜汶澤刷存在感 有奶便是娘

熊貓俠 2021年11月18日 23:00

熊貓俠︰「今次杜汶澤佢又有金句,佢自稱係『港裔台灣人』,真係秉承佢一直以嚟嘅語不驚人誓不休嘅做人道理。其實佢一直以嚟反中反上腦,香港根本就係屬於中國嘅地方。既然咁唔鍾意中國又何必自稱係港裔呢?」

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

最近嗰位反中亂港主力之一嘅「黃偽人」杜汶澤,唔知係咪呢期喺台灣太悶太孤獨,又要走出嚟做吓小丑戲刷吓存在感。講真嗰句香港人當然知道杜汶澤嘅強項一定係做小丑戲,經常大放笑彈啦。

人無恥就無敵?

今次杜汶澤佢又有金句,佢自稱係「港裔台灣人」,真係秉承佢一直以嚟嘅語不驚人誓不休嘅做人道理。其實佢一直以嚟反中反上腦,香港根本就係屬於中國嘅地方。既然咁唔鍾意中國又何必自稱係港裔呢?更何況仲要而家走咗過台灣一年就話自己係台灣人喎。講真要去到杜汶澤咁厚顏無恥地認親認戚,究竟佢又騎劫咗幾多台灣人嘅意願?試問有幾多人可以做得到啊?筆者突然間又想起兩句話嚟形容杜汶澤,究竟係「有奶便是娘」還是「人無恥就無敵」?

其實杜汶澤有冇諗過,亂港者有何下場?人在台灣嘅佢,見到一批喺香港過「精彩人生」嘅「手足」,又有咩感受?之前杜汶澤為咗記念自己嚟咗台灣一年,就邀請咗台灣高雄一位知名嘅紋身師幫佢紋一幅以浪為主題嘅紋身,話要提醒自己喺風浪中要保持屹立不倒,原來黃人真係好鍾意自high ,個紋身又真係幾靚嘅,不過放喺杜汶澤身上就有種浪費咗嘅感覺囉。

筆者想問下杜先生當時國安處都仲未正式行動,點解就已經漂到台灣呢?如果係因為節目、生意,何解咁耐都唔返香港?難道呢種就係佢口中嘅屹立不倒?又話感謝台灣畀到自由佢,刷到蔡英文隻鞋蠟蠟靚。如果到時蔡英文下台後,杜生又會唔會變咗一隻「浪浪」呢?

其實筆者覺得杜汶澤又唔需要擔心自己冇晒人氣嘅,佢曾經嘅所作所為,我哋都仍然係記憶猶新,佢嘅口臭程度簡直已經係超越人類。如果詛咒吓人哋就會成真嘅話,呢個世界就簡單得多啦。口孽者終必自受,既然杜生咁清閒就應該好好參透呢個道理,報應不爽,善哉善哉。

原圖︰幫港出聲、星島日報
https://www.singtao.ca/3302401/2019-03-20/post-阿澤帶女返家遭老婆嘲笑/

投票已截止,多謝支持

發表意見

排列方式: