烏克蘭戰事已經打響了幾日。雖然烏克蘭總統澤連斯基不斷透過西方媒體和社交平台，發放有利自己的宣傳，例如「基輔未失守」、「烏軍如何英勇抵抗」、「已經殲滅了多少俄軍坦克」、「自己與多少個西方領袖通了電話獲得支持」等等。但一個不變的事實是，俄軍已經正長驅直入烏克蘭，正在幾面夾攻，除了兵臨首都基輔城外，亦已佔據了不少的烏克蘭城市和戰略要地。更重要的是，就連美國情報都顯示，俄軍迄今只是派出了約四分之一至三分之一駐紥在俄烏邊境上的軍力進入烏克蘭，其主力根本仍未出動。這意味着什麼？老實講，這意味着繼續交戰下去，烏克蘭可以打贏的機會，並沒有西方媒體向世界報道的那樣樂觀。

西方通訊社發佈嘅「澤連斯基支持度高企」、「向民眾派發槍枝準備打巷戰」、「呼籲市民準備汽油彈保衛基輔」等等嘅新聞，聽起來十分動聽，畫面睇起來亦很豐滿，但現實卻很骨感。直接嚟講，而家係打仗，唔係做騷，而且打嘅係現代戰爭，精確導彈決勝千里之外，唔係搵幾個士兵趴喺基輔橋上、喺西方記者面前擺個「準備戰鬥」嘅靚甫士，烏克蘭就能消弭戰禍的。還有，呼籲平民自製汽油彈對抗子彈，澤連斯基這個演員出身的總統，係唔係以為自己拍緊戲？打仗子彈冇眼，叫平民百姓用汽油彈上戰場，講得好聽係「同仇敵愾、不怕犧牲」，講得唔好聽係三軍統帥嘅總統無能，才會慫恿平民上戰場做人肉盾牌。如果真的發生，其實等於叫百姓去送死。

講到叫人去送死，以美國為首嘅西方國家，更係這方面的佼佼者。今次烏克蘭之戰，始作俑者的美國和北約，明知北約東擴接納烏克蘭會觸碰俄羅斯嘅紅線，會有好大機會引發戰爭。但佢哋仍然一意孤行，不斷推動烏克蘭加入北約，對俄羅斯嘅安全訴求和警告置若罔聞。而拜登更早就明言：「就算出事，美軍也不會進入烏克蘭作戰」。精人出口，笨人出手，講到咁白，道理亦咁顯淺，擺明係西方搵人送死嘅「賣豬仔」騙局，難得猶太裔嘅澤連斯基卻仍然選擇這場政治豪賭，但賭注並非自己，而係全體烏克蘭人嘅身家性命財產！一個喜劇演員，卻自編自導自演了一場烏克蘭的悲劇，而且他還不是俄羅斯和烏克蘭主體的斯拉夫人，這令人想起電影《無間道》的那份詭秘。

殺人不見血 顏色革命標準劇本

這場殺戮嘅悲劇如今仍在上演，但戰場不是英國，不是法國，更加不是隔着大西洋的美國，而是肥沃的烏克蘭土地。當然，死的人傷的人，更加不會是美國人或北約嘅國民。戰爭嘅真相，往往就是這樣殘酷 —— 挑動戰爭的人絲毫無損，戰火也不會燃燒到自己國家。這場烏克蘭之戰，死嘅傷嘅，最終都只會係同文同種嘅斯拉夫俄羅斯人同烏克蘭人。顏色革命嘅殺人不見血，這就是標準的劇本。

但以美國為首的北約，事已至此，佢哋似乎仍嫌這齣悲劇唔夠血腥，所以在唔派兵介入嘅情況下，西方多國陸續宣佈增加對烏克蘭的軍事援助。2月25日拜登宣布美國將向烏克蘭提供額外嘅3.5億美元軍備；2月27日德國一反不向戰爭國家提供致命武器嘅常態，決定向澤連斯基提供反坦克及刺針防空導彈；歐盟更加公布將會出資5億歐羅，購置彈藥，甚至戰機供應給鳥軍對抗俄軍。就連相距烏克蘭萬里之外的澳洲和加拿大，也爭住要向烏克蘭提供軍事物資……

一句講晒，西方乜嘢殺人武器通通都畀烏克蘭，而且全部免費，但北約士兵就一個都唔畀。你死你事，火上加油，掟把刀畀人哋自相殘殺，代理人戰爭的真面目，本就是這樣。由於俄烏軍力太過懸殊，戰爭一開始，結果其實早已注定。西方對此心知肚明，卻仍然選擇只出武器唔出兵，咁同送人去死有咩分別？幸好，美國和北約的這套誅心術，這個地球上有14億人早已看得清清楚楚。或者，唯一可以相贈烏克蘭人一句嘅就係：美國信得過，豬乸都會上樹。

原圖：新華社、拜登facebook

投票已截止，多謝支持