博客

博客

爭住求情 盼早判刑 黃之鋒楊岳橋之流何其醜陋

施梓山 2022年09月06日 20:00

施梓山:「主動認罪和向法庭求情,無非都係為求減刑。呢啲曾經叱咤風雲嘅所謂黃色『民主鬥士』,喺監獄面前其實都不外如是。楊岳橋等人才不過還柙一年多,就已經『心情焦慮』,急於求情,佢哋對口中嘅信念究竟有幾堅持,實在令人十分懷疑。佢哋又對唔對得住嗰啲已經走佬,或坐緊監,或正面對官司嘅『手足』呢?」



「當最激的黃政客個個都急於認罪求情,再次證明咗顏色革命係一個騙局,黑暴其實只係被黃政客當作爛頭卒。呢啲黃政客講就天下無敵,到真係要坐監犧牲時就冇心冇力,個個只幫自己計數,投機取巧,食相難睇,一句講晒就係好醜陋。」



👇 記得Follow 我哋 👇

IG: instagram.com/silentmajority.hk/

FB: fb.com/silentmajorityhk

Weibo: https://weibo.com/u/6655322587

Youtube : https://www.youtube.com/silentmajorityhk

黃之鋒表明認罪,楊岳橋、譚文豪、郭家麒要求盡早向法庭求情及接受判刑……。

冇錯,冇花冇假,47人因參與前年「35+非法初選案」,被控串謀顛覆國家政權罪,當中29人已經準備認罪,其中包括黃之鋒、楊岳橋、戴耀廷、朱凱廸、胡志偉、譚得志等人。

曾幾何時,呢班名字響噹噹嘅反對派政客,佢哋唔係乜乜政黨主席,就係乜乜街頭「民主戰士」,喺香港政壇經常搞風搞雨,好不威風。人稱「河童」嘅黃之鋒,更曾被一本美國周刊捧上封面,又經常與美國高官見面,風頭一時無兩。

但凡事物極必反,做人做事做得太盡太過分,結果當然就係埋單。2020年年中《港區國安法》實施後,在香港政壇打橫行咗好耐嘅黃色政客,仍然不知收斂,公開搞了一個旨在顛覆國家政權的「35+非法初選」,囂張狂妄,當《港區國安法》冇到的結果,就是47人被捕及被落案起訴,而且大部份一直被還柙至今。

47個被告之中,有29人已表明認罪。日前在高院進行案件管理聆訊,首先出場的有認罪嘅黃之鋒、楊岳橋、郭家麒、譚文豪和譚得志。

對於呢五個名,相信大家都唔會陌生。由2014年佔中到2019年黑暴,這五人都係反對派激進政治嘅代表人物,言行屬於激進嘅一端,同理性包容、和而不同,完全係大纜都扯唔埋。

從前係威係勢,如今一上到庭,有趣的一幕卻出現了,佢哋除咗第一時間表示願意認罪,楊岳橋、譚文豪、郭家麒呢三個前「公民黨鐵三角」嘅代表大狀,更向法庭表示「三人還柙多時,等待期間心情焦急,希望在其他不認罪被告的審訊前,盡早安排進行求情及判刑,預計每人求情時間約45分鐘」。而黃之鋒及譚得志代表律師亦表示,「兩人各自的求情將在兩小時內完成」。

法庭就係一面照妖鏡,係真漢子抑或偽君子,入到去法庭照一照,個個即刻現晒形。係人定係鬼,係得把口抑或真係言行一致,全部都無所遁形。

「民主鬥士」一下子變成「求情鬥士」

成日橫衝直撞、擺出「天不怕地不怕」姿態嘅黃之鋒;話坐監會令人生更精彩嘅楊岳橋,竟然帶頭未審先認罪,仲講明要求情。楊岳橋同佢兩個前黨友譚文豪和郭家麒,更心急到要求法庭早日畀自己求情和判刑,由「民主鬥士」一下子變成「求情鬥士」,變化之大,真係令人嘆為觀止。

認罪,代表佢哋承認之前參加嘅初選係企圖顛覆國家政權,係違反法律嘅錯事。求情,代表佢哋想表達知錯,希望法官從輕發落。

非法初選嘅主角大都已經認罪,準備求情,唔知嗰啲為非法初選投票嘅人,如今有冇一種俾人呃嘅感覺呢?

一般人覺得求情可能只係幾分鐘或者十幾分鐘嘅事,但黃之鋒、楊岳橋等人嘅代表律師,向主審法官請求給予每人45分鐘甚至兩小時嘅求情時間,亦令人嘆為觀止。用咁耐時間求情,究竟有乜「賺人熱淚」嘅求情理由?大家買定花生,拭目以待,希望佢哋嘅代表律師唔好令人失望。

主動認罪和向法庭求情,無非都係為求減刑。呢啲曾經叱咤風雲嘅所謂黃色「民主鬥士」,喺監獄面前其實都不外如是。楊岳橋等人才不過還柙一年多,就已經「心情焦慮」,急於求情,佢哋對口中嘅信念究竟有幾堅持,實在令人十分懷疑。佢哋又對唔對得住嗰啲已經走佬,或坐緊監,或正面對官司嘅「手足」呢?

當最激的黃政客個個都急於認罪求情,再次證明咗顏色革命係一個騙局,黑暴其實只係被黃政客當作爛頭卒。呢啲黃政客講就天下無敵,到真係要坐監犧牲時就冇心冇力,個個只幫自己計數,投機取巧,食相難睇,一句講晒就係好醜陋。

無論佢哋有幾瘋狂,把口有幾「硬」,見到監倉都只會腳軟淚流。楊岳橋、黃之鋒等人也有今日了。

 

原圖:https://std.stheadline.com/realtime/article/1124797/即時-港聞-新華社-批評黃之鋒反中亂港必有代價-指DQ於法有據
https://std.stheadline.com/realtime/article/999137/即時-港聞-逃犯條例-明早再開雙胞會-楊岳橋憂又爆衝突

投票已截止,多謝支持

發表意見

排列方式: