期待已久嘅電影《長津湖》終於在香港上映，電影講述中國當年抗美援朝之戰，相方嘅軍備係何其懸殊，敵軍部隊喺何其精銳，莫講話有無戰鬥機先，我國軍隊連長槍都比敵軍落後多倍，喺咁艱辛嘅情況下點樣去保住條命，點樣去取得勝利。
有曾經經歷過長津湖之戰嘅中國老軍人，提起當年戰爭嘅艱辛，喺零下三十、四十度嘅雪地下，無足夠嘅保暖衣服埋伏，食凍到硬如石頭嘅薯仔，失去很多戰友的慘況，仍然記憶猶新，淚流滿面。老軍人更加提醒現今一代嘅年輕人，應該愛護同珍惜自己國家，因為現在嘅國家都係前人以性命去保存得來。
可從電影方面入手教育
電影令筆者回想起2019年，有黃人喺街上舉起標語，請求美軍出兵登陸香港，甚至話要籌款購買戰機攻打香港。黃人嘅思想低智程度遠超我哋可以想像。我哋嘅祖先犧牲性命都要趕走美軍，黃人就要求美軍登陸香港；當年戰爭我國戰機欠奉，而黃人就話要籌款買戰機攻打自己國家領土？用一架戰機就可以攻打一個國家？呢種歪理相信只有黃人先會理解。
其實筆者認為《長津湖》呢一套電影喺香港上映極具意義，好好教育一下香港人認識自己國家嘅歷史，特別係對一啲唔承認自己係中國人嘅香港人，更加可以比啲香港人見識下，中國現今嘅電影發展，已並非當年嘅水平，香港人唔好再坐井觀天，原地踏步喇。有時無辨法唔承認香港各方面，已經比起國內明顯落後太遠。
其實近年都有好多國產勵志電影喺香港上映，例如《中國女排》、《八佰》等。不妨從電影方面入手教育，增加香港人愛國意識，同埋令市民都睇清楚所謂正義民主的西方國家嘅強盜本性、狼子野心真面目。
原圖︰星島日報
https://std.stheadline.com/realtime/article/1768560/即時-娛樂-長津湖丨林超賢用意志克服嚴寒天氣-吳京笑言一生中難得有這經驗