博客

博客

寄粉末信恐嚇法官 是攬炒派垂死掙扎

施梓山 2021年11月21日 16:00

施梓山:「寄粉末信恐嚇法官,證明心有不甘嘅黑暴對香港仍是一個重大威脅。他們想藉着恐嚇和破壞逼香港人屈服,手法類同恐怖分子,對此大家都應保持高度警惕。攬炒派垂死掙扎的心態是一種病態,也是一種傳染病,絕對不能讓它得逞,否則香港將永無寧日。」

👇 記得Follow 我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

最近兩星期,西九龍裁判法院和沙田裁判法院先後收到寄給法官的可疑信件,信中附有不明粉末,針對法官、恐嚇法官的意圖不言而喻。

兩名收信法官都曾處理和判決黑暴案被告入獄。其中區域法院暫委法官張潔宜今年10月在中大二號橋暴動案中,裁定5名中大學生暴動罪名成立,分別判處4年9個月至4年11個月監禁。另一名沙田法院裁判官彭亮廷,最近也曾判決2019年10月兩名黑暴在荃灣襲警罪名成立,判囚10個月和11個月。

明顯地,這些恐嚇信都是衝着判處黑暴入獄的法官而來。在《港區國安法》的強大震懾力下,原本瘋狂、打橫嚟行嘅攬炒分子已經不敢造次。冇得再搞暴動,他們當然心有不甘,所以玩恐嚇信呢種小學雞把戲。這是些什麼心態呢?有朋友將之命名為「攬炒派垂死掙扎心態」,可謂十分貼切。

顧名思義,垂死掙扎就是臨死前的最後掙扎。攬炒派黑暴想東山再起喺香港搞暴亂,已經係絕無可能之事,因為見過鬼怕黑嘅香港人不會答應,《國安法》不會容許,中央更加不會姑息。

攬炒派垂死掙扎是因心有不甘,企圖發動顏色革命奪取政權失敗後,佢哋心懷怨恨,所以總有一種唔想見到香港好,總想搵機會搞對抗嘅心態。

「軟對抗」係呢種心態嘅反映,有呢種心態嘅人經常會做出一啲幼稚行為,好聽叫做「不合作運動」,實際就係「小學雞」。例如遇上警員查身份證時採取不合作態度、使用假冒嘅「安心出行」程式、呼籲喺未來選舉投白票、帶黃色口罩引人注意等等。當然仲有延續以往那種「為反而反」嘅壞風氣,即凡係政府提出,都一概有理冇理地全面唱衰、全部反對。

但搞咁多呢啲小動作,佢哋就可以將香港重回黑暴天下嗎?只有幼稚嘅鴕鳥,才會陷入「要呃人先要呃自己」嘅陷阱。

另一種攬炒派嘅垂死掙扎係離開香港,然後繼續打嘴炮唱衰香港。道不同不相為謀,離開香港嘅黃絲,不安分守己做佢哋嘅英國人、美國人、澳洲人……反而仲成日對香港發生嘅事幸災樂禍、指指點點,這是另一種畸形心態。

至於今次寄信恐嚇法官的人,就係另一種攬炒派嘅懦夫心態行為。七一刺警嘅恐怖孤狼公開行兇,但寄信恐嚇法官嘅人,卻只敢在暗處做這種偷雞摸狗的勾當,擺明係「又要威又要戴頭盔」嘅懦夫,係一種「打安全波」嘅僥倖心態。香港不少攬炒派餘孽都存有這種不良心態。這些人日常生活工作表面正常,但其實只是在等待時機再出來搞事。

寄粉末信恐嚇法官,證明心有不甘嘅黑暴對香港仍是一個重大威脅。他們想藉着恐嚇和破壞逼香港人屈服,手法類同恐怖分子,對此大家都應保持高度警惕。攬炒派垂死掙扎的心態是一種病態,也是一種傳染病,絕對不能讓它得逞,否則香港將永無寧日。

原圖:https://www.wenweipo.com/a/202111/17/AP61944beae4b07b4059d33e7d.html
 

投票已截止,多謝支持

發表意見

排列方式: