前學生動源召集人鍾翰林早前承認分裂國家罪及洗黑錢罪，判囚43個月。呢宗案件嘅判刑令人大跌眼鏡，十分失望。有網民更指單憑洗黑錢罪都可能唔止入獄43個月，而家講緊嘅係分裂國家罪，如果好似鍾翰林咁有組織去分裂國家，犯咗國安法都係判得咁輕嘅話，仲有邊個會驚呢？筆者同好多市民一樣希望律政司可以就刑期上訴。

一講起呢個蛇頭鼠眼嘅鍾翰林，法官指佢為「積極參與者」，唔知係咪因為收咗幕後金主黑錢，所以佢咁積極參與。呢個賣國賊真係壞事做盡，賣國求榮，佢曾經涉嫌毀壞國旗；又曾去美國駐港總領事館要求美方盡快訂立所謂嘅《香港人權與民主法案》，以便日後制裁香港官員；更曾多次係公眾場合宣揚港獨，大叫港獨口號等。

現年20歲嘅鍾翰林喺讀書方面可以用一事無成嚟形容，佢讀唔成書，點解學人搞政治呢？香港人出晒名返工拼搏搵錢而又政治冷感，自我保護意識極強嘅都市人。試問如果無人喺背後支持，又點會突然咁熱衷政治？黑暴日日去掘磚拆欄杆，打爛交通燈，你估真係唔辛苦嘅咩？呢邊鍾翰林被控洗黑錢近70萬元，另一邊牽涉機場暴動案嘅被告賴雲龍又喺法庭上大叫話係「美國間諜」Mark Simon 指使佢犯案。賴雲龍仲大聲講要向14億中國人道歉，鍾翰林喺獄中都應該好好跟賴雲龍學習呢種態度。

綜合以上分析，黑暴幕後金主幾乎呼之欲出，一邊支持賣國賊宣揚港獨主義，一邊幕後操控暴徒破壞，又大講風涼話「體諒同欣賞香港示威者」，但自己卻槍殺闖入國會山莊嘅暴徒，呢齣自編自導嘅大戲，果然係美國荷里活最強。最後筆者想講70萬話多唔多，話少亦唔少，人生在世可能會賺到好幾個70萬，又何必好似鍾翰林一樣做賣國賊，更加輸咗一世呢？

原圖：https://www.wenweipo.com/a/202010/29/AP5f9a0541e4b00c53d9993f82.html

https://std.stheadline.com/realtime/article/1409496/%E5%8D%B3%E6%99%82-%E6%B8%AF%E8%81%9E-%E5%9C%8B%E5%AE%89%E6%B3%95-%E9%8D%BE%E7%BF%B0%E6%9E%97%E8%A2%AB%E6%8E%A7%E5%88%86%E8%A3%82%E5%9C%8B%E5%AE%B6%E6%B4%97%E9%BB%91%E9%8C%A2%E7%AD%894%E7%BD%AA-%E4%BF%9D%E9%87%8B%E8%A2%AB%E6%8B%92%E6%98%8E%E5%B9%B4%E5%86%8D%E8%A8%8A

 

 

 

 

 

 

 

投票已截止，多謝支持