博客

博客

許智峯丘文俊被廉署通緝 走到天腳底都休想逃法網

施梓山 2021年11月30日 23:00

施梓山:「許智峯丘文俊嘅餘生,其實好多國家都不能再去踏足,否則就有被捕被引渡回港嘅風險。逃走去投靠西方國家,結果都係失去冇得遊走全世界嘅自由,而且永遠背負逃犯通緝犯嘅身份。呢種咎由自取兼影響一世,好值得香港仲未瞓醒嘅年青人去好好參考。總括而言,許智峯丘文俊被廉署通緝最大的啟示是,只要觸犯香港法律,就算匿藏外國一樣會被通緝,而且刑事通緝令係永遠生效,呢啲人走到天腳底都休想可以逃避法網!離港嘅黃絲黑暴有邊個想步佢哋後塵?」

👇 記得Follow我哋 👇
IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

新一屆立法會選舉將於12月19日舉行,廉署日前獲裁判官簽發手令,正式通緝目前匿藏澳洲的立法會前議員許智峯,以及身處英國的前沙田區議員丘文俊。

事情的原委是這樣的,許智峯和丘文俊最近兩個月不斷透過網上平台,鼓吹和煽動市民在即將舉行的立法會選舉投白票,藉此杯葛選舉、破壞選舉公平性,涉嫌觸犯《選舉舞弊及非法行為條例》第27A條。

首先,這是一種葡萄酸的立壞心腸。呢兩個人係香港體制的前議員,在香港止暴制亂後逃到外地。如今冇得做尊貴的議員,又冇得實地喺香港搞風搞雨,就改為喺網上煽動這樣煽動那樣,呼籲人哋轉載,繼續推其他人跌入犯法的火坑,自己卻躲在外地妄圖食花生置身度外。一句講晒就係心地唔好,想繼續為香港製造動亂。事實上,在許丘二人被通緝前,已經有三個轉載投白票的網民被廉署拘捕。所以好似許丘呢種前政棍續玩精人出口笨人出手,有幾害人不淺,實在不用多說。

其二,躲在海外觸犯香港法律,不要再以為可以置身事外,可以唔使負法律責任。許智峯丘文俊今次被通緝,印證我哋成日聽到嘅防止罪案廣告——「網上世界並非不受法律規管嘅世界,大部份現實世界嘅法律同樣適用於網絡世界。」所以,躲在外國、利用鍵盤搞亂香港嘅人,唔好再妄想有免死金牌,一旦違反香港法律,同樣會被通緝。

其三,丘文俊自以為可以博出位、刷存在感,其實卻做咗許智峯嘅「另類炮灰」。此話何解呢?好簡單——許智峯因為在香港干犯不同嘅罪行,去年底已經棄保潛逃,全世界都知道佢係香港法庭嘅通緝犯。許作為「知名逃犯」自知返香港無望,所以早已豁出去,繼續不斷挑戰香港法律,因為一件污、兩件穢,佢根本冇打算返香港服刑,只想餘生在外國嘆世界。

但丘文俊不同,今年年中辭去沙田區議員職務後,法律上佢沒有犯法,所以仍可以自由進出香港。即使走到去英國,只要安分守己,其實仍然可以隨時自由出入香港,但如今好跟唔跟,跟著個臭名昭著嘅逃犯許智峯,一齊喺網上呼籲投白票,觸犯香港選舉條例,最高可被判處三年監禁及罰款20萬元,而且一夜成名,升級同許智峯一樣做通緝犯,一返香港就會立即被捕,由冇犯法變通緝犯,呢種行為唔係炮灰又係乜嘢?《紅樓夢》裏面有兩句話,叫做「機關算盡太聰明,反誤了卿卿性命」,正好就係丘文俊聰明反被聰明誤嘅寫照。

其四,像許智峯丘文俊呢種自以為「聰明」嘅反中亂港通緝犯,其實目光十分短淺。佢哋以為匿喺英國、澳洲就可以一世平安大吉?佢哋可能冇諗過,全世界有唔少嘅國家都已經同中國,以及中國香港特區簽署了引渡罪犯條約。所以,許智峯丘文俊嘅餘生,其實好多國家都不能再去踏足,否則就有被捕被引渡回港嘅風險。逃走去投靠西方國家,結果都係失去冇得遊走全世界嘅自由,而且永遠背負逃犯通緝犯嘅身份。呢種咎由自兼影響一世,好值得香港仲未瞓醒嘅年青人去好好參考。

總括而言,許智峯丘文俊被廉署通緝最大的啟示是,只要觸犯香港法律,就算匿藏外國一樣會被通緝,而且刑事通緝令係永遠生效,呢啲人走到天腳底都休想可以逃避法網!離港嘅黃絲黑暴有邊個想步佢哋後塵?

原圖:

https://hd.stheadline.com/news/realtime/hk/2278527

https://image.stheadline.com/f/1500p0/0x0/100/st/e5be300eab74ba00470ecd967f3d0d3c/stheadline/inewsmedia/20180426/_2018042611002262685.jpg

https://image.stheadline.com/f/1500p0/0x0/100/st/bf3299602926e0f446eafce0cf90ba61/stheadline/inewsmedia/20190709/_2019070921335625264.jpg

投票已截止,多謝支持

發表意見

排列方式: