繼早前與網台主持陶君行爆發罵戰後，藝人杜汶澤又再次成為「主角」，但今次就涉及交通意外。

話說有讀者向報刊報料，指昨午4時多，藝人杜汶澤駕駛其座駕，於銅鑼灣中糧大廈附近與一輛保時捷私家車發生碰撞，兩車司機及乘客均無大礙。不過，由於雙方對於如何解決事件有分歧，最後演變成罵戰，雙方更一度以粗口互相問候，為對方「開年」，期間吸引大批途人圍觀，事件最後更要出動警員處理。

事後，杜汶澤更在facebook發文指責對方「好痴線」：「你hi到我架車，我都唔使你賠，咁小事，都要落車嘈，又要報警又剩！好嘞，依家等差人嘞！塞曬人哋成條路，為乜呢！」他更表示：「其實有一點我自細都唔明，有好人都會認為，一個藝人，如果遇到不公平事，但為咗怕比人講，就要忍氣吞聲。呢啲係咩邏輯？我從來都唔會。我一定還拖。更何況，我已經無當自己仲做緊呢行好耐啦！藝咩人呀？我只過係一個好普通嘅香港人。」

雖然杜生不當自己是一個藝人，但當街爆粗互相「開年」，又是否合適呢？況且，講粗口，威啲咩？

原圖：http://www.singtao.ca/toronto/3772051/2019-01-03/post-%E6%9D%9C%E6%B1%B6%E6%BE%A4%E6%96%B0%E5%B9%B4%E6%92%9E%E8%BB%8A-%E9%8A%85%E9%91%BC%E7%81%A3%E8%A1%97%E9%A0%AD%E5%B1%95%E9%96%8B%E7%BD%B5%E6%88%B0/?variant=zh-hk

投票已截止，多謝支持