台灣地區領導人蔡英文和民進黨自以為「聰明」，執意邀請美國眾議院議長佩洛西竄訪台灣，以為可以藉此增加台灣的國際曝光率和「台獨」聲勢。但這個如意算盤能否打得響，相信自從佩洛西竄台不足24小時就離開嘅結局嚟睇，唔使多講，大家都知道，蔡英文和民進黨雖然繼續口硬，但其實「台獨」這次是賠了夫人又折兵，而且提早將自己帶上絕路。
可以咁講，「台獨」嘅猖狂空間，並沒有因為佩洛西訪台而得到預期嘅擴張。反而是佩洛西一走，「台獨」嘅囂張氣焰因解放軍在台海周邊的大規模軍演而被壓制下去。廣東話有句俚語叫做「唔衰攞嚟衰」，相信「台獨」分子在短暫興奮過後，如今正在「享受」這個後果。
邀請佩洛西訪問台灣，是「台獨」勢力與美國合演的一場挑戰中國主權和領土完整的膠劇。但挑釁14億中國人底線嘅結果，點會有好下場？佩洛西大搖大擺乘坐專機到台進行竄訪，涉違美國對華的一個中國承諾，又點會沒有後果？
任何提高美台官方關係的舉措，都是對「一中原則」的褻瀆和破壞，當然會激起中國政府和人民嘅強烈反應。美台勾連撩人者賤在先，中方任何反應都是合理的自衛還擊。
冇腦嘅「台獨」分子喺過去20多年，在台灣玩「切香腸台獨」玩得太過興奮，結果玩物喪志玩過了頭。如今惹起14億人的義憤，解放軍包圍台灣進行大規模軍演，甚至演習區就在台灣「領海」之內，「台獨」分子除了打嘴炮譴責外，蔡英文敢派台軍輕舉妄動嗎？「台獨」每迎來一撮美國政客，台灣就要為此付出代價，失去一些原本擁有的東西。
以今次佩洛西竄台為例，蔡英文風光過後，換來嘅係解放軍連續四日喺台灣本島四周設立6個軍事演習區，期間試射嘅導彈更首次飛越台灣上空，然後直接掉落在台島東部海域。解放軍嘅導彈飛越台島，有了第一次，以後就會成為習慣。這些導彈是「台獨」分子自找的，應驗了那句「面係人地畀，架係自己丟」。
而分佈在台灣東南西北嘅6個演習區，亦等於係解放軍封鎖台灣嘅一次預演，演習嘅規模和範圍更超過了九六年嘅台海危機。每天進出台灣嘅海空航班，因此需要改道或取消…… 對此兵臨城下，原本每日都在大叫「抗中保台」嘅「台獨」政客都去晒邊呢？
這還不止，佩洛西一來，台灣連海峽中線也失去了。演習期間，解放軍戰機和軍艦多次穿越台海，跨過所謂的海峽中線，今後在中線以東臨近台灣本島的常態化巡航已經指日可待。
從呢個角度睇，或者確實需要多謝佩洛西這個夾帶私貨竄台嘅老政棍。佢嘅私心為解放軍帶來千載難逢嘅機會，一舉突破海峽中線。邀請一個就快落台嘅美國老太婆來台灣影幾張相，「台獨」分子就失去了台海中線，呢條數化唔化算，相信連幼稚園學生都知道答案。「台獨」嘅一廂情願和冇腦，同香港黑暴如出一轍，令人嘆為觀止。
今後台灣海峽上空，解放軍戰機想幾時飛就幾時飛，想幾時穿越就幾時穿越，想停留幾耐就停留幾耐。台灣海峽寬度才不過一百多公里，海峽中線成為歷史之後，解放軍戰機在幾分鐘內就可以直抵台灣。「台獨」分子在發完佩洛西嘅南柯一夢之後，係時候開始佢哋嘅惡夢了。
除咗軍事回應，經濟上大陸宣佈禁止輸入台灣嘅柑橘類水果、冰鮮白帶魚和凍竹莢魚，並停止對台出口天然砂。這個經濟警告，大陸已經很客氣，亦很節制，盡量唔想傷及台灣黎民百姓。台灣對兩岸貿易嘅依存度超過40%，去年台灣對大陸嘅貿易順差更高達1700多億美元。失去了大陸市場將意味着什麼，得把口嘅民進黨肯定會清醒幾分。
講到「台獨」分子自尋死路，佩洛西竄台後，中央打擊「台獨」嘅另外兩張牌，亦令「台獨」分子寢食難安。
8月10日，國務院國台辦公佈第三次《台灣問題白皮書》。相對上一次《台灣問題白皮書》提及在統一後，可容許台灣保留一定嘅軍隊和外交，這次都已不再提及。這等於台灣在統一後可擁有嘅自治權已被減少。對於這個意想不到嘅「成功爭取」，相信台灣人多得蔡英文唔少。
8月16日，國台辦又宣佈對一批「台獨」頑固分子實施制裁，包括蘇貞昌、游錫堃、吳釗燮等，禁止佢哋入境大陸和港澳地區，並限制佢哋同埋佢哋嘅直系親屬嘅相關合作，而且制裁將是終身有效，統一之後亦會依法追究。無論呢批「台獨」分子把口有幾「硬」，但寒天飲雪水，冷暖佢哋自知。
從邀請佩洛西竄台訪問，大小「台獨」分子以為執到寶，個個興奮到蹦蹦跳，嘩嘩叫，結果其實係提早自尋死路，仲要連累台灣街坊。香港黑暴嘅下場，烏克蘭生靈塗炭嘅教訓，「台獨」分子顯然未有學乖。無他嘅，呢個世界日日都有飛蛾撲火同螳臂擋車嘅事在發生，「台獨」分子要提早自掘墳墓，亦係佢哋自己嘅選擇。
原圖：https://www.facebook.com/photo.php?fbid=540195347457718&set=pb.100044017724738.-2207520000..&type=3;
https://www.facebook.com/photo.php?fbid=540358904123590&set=pb.100044484547468.-2207520000..&type=3
投票已截止，多謝支持