香港青年點解會被人譏為「廢青」？絕大部分真係自己攞嚟。臨近開學，不少大學都大搞迎新營迎接新生，「CityU Secrets」facebook專頁揭發，城大學生會編輯委員會於本月8日出版嘅《迎新特刊》，將封面上的英文校名由「City」改為「Shitty」。呢班學生讀咁多年書，究竟學咗咩？難怪網民都大鬧佢哋「白痴」，仲話「唔鍾意讀可以退學」，「城大比（畀）人叫shitty係因為有班shitty students」！

根據專頁上載的圖片，迎新特刊上被紅色貼紙遮蓋，當撕開貼紙，會發現貼紙原來是修正特刊的原本設計。原來原設計將城大的英文全名「City University of Hong Kong 」改為「Shitty University of Hong Kong」，又將中文全名改為「又一城市大學」。「Shitty University」及「又一城市大學」均為網絡流傳多年的用語，前者暗嘲城大「屎波」，後者則指城大毗離又一城商場，故被戲稱為「又一城大學」。

事件揭發後，城大編委會立刻知衰，於專頁刊登英文道歉聲明，指本月９日已收到校方警告，指刊物使用校徽的方式「可能引起混淆」，要求遮去首頁的校徽及就事件道歉。同時亦已決定停止派發特刊，及調查構成問題的原因。不過亦有網民話聲名入面英文文法錯漏百出，嘲笑話「goodest english」、「可以專業D（啲）嗎？」

城大編委會啲學生讀咗咁多年大學，連基本尊重都唔識，點做大學生？不如重新讀過小學啦！

原圖︰CityU Secrets Facebook

http://www.popnews.hk/wp-content/uploads/2016/06/4.jpg

投票已截止，多謝支持