深黃傳媒人劉細良日日發表偉論，企係道德高地，對政府政策指手劃腳。佢同妻子鄺穎萱經營一間名為上書局的出版社，近日遭《信報》專欄作家潘東凱入稟區域法院，指拖欠版權費192,000元，要求法庭頒令，禁止上書局繼續出版和發行其著作《炎黃解毒》，及須交出出版帳目。報道一出，大批網民即刻「食住花生等睇戲」，仲話「欠債還錢天公地道」。

原告潘東凱在入稟中指，其著作《炎黃解毒》在2016年時與被告上書局訂下5年合約，由上書局發行及營銷佢著作。被告上書局同意每發售一本零售價128元的《炎黃解毒》，須向潘支付版權費港幣32元。

原告指《炎黃解毒》售出超過6000本，但被告卻一直拒絕支付版權費。原告稱多番向被告不果後，上月發律師信後亦不獲理會，因此入稟法院，要求上書局償還版稅。

誰是誰非暫未有定論，不過「欠債還錢天公地道」，劉細良無理由咁顯淺嘅道理都唔識喎！

原圖：youtube截圖

投票已截止，多謝支持