黃絲內訌，隔空罵戰，時有所聞。昨日，杜汶澤及陶君行再爆罵戰，隔空對罵，核突到出晒臉。一大班網民就一早「食住花生等睇戲」，睇完兩位「精彩表演」後，齊聲話「狗咬狗骨」，小事化大，無無謂謂，期望兩人早日收檔，唔好丟人現眼。

前日陶君行嘲杜汶澤「突然本土」及暗示他是「鬼」惹起風波，事件主角杜汶澤更以「粗言」回敬陶(按此重溫內容)。昨日，陶君行在網台再次回應，佢承認批評杜汶澤「戲子無情」是「唔要得」，但需要想道歉，但「唔知點樣道歉」，亦不知「我邊一忽過咗火位」。陶君行又自爆自己唔會為議員嘅薪金參選，因為「過去幾年有一半時間都over呢個數（九萬八）」。聽到呢度，成班網民立刻譁然，話佢唔恨選至奇。

杜汶澤其後在FB貼文連發兩帖文繼續發炮，劈頭第一句就是「君子坦蕩蕩，小心長戚戚！」又批評「如果泛民只不過係一堆毫無道德嘅『私怨X』的話，咁香港人，仲點解要相信你哋呢？」不點名批評陶君行『私怨X』。更直斥陶為「廢土」，指「我同你無仇無怨」，無端白事前前後後踩佢兩腳，更話「乜我個樣真係生得咁似紅地氈咩？」

杜汶澤同陶君行本來都係「一擔擔」，不時發表「偉論」，對其他人「指指點點」，令觀眾唾棄。今次兩人「狗咬狗骨」，無聊當有趣，難怪網民都話期望兩人早日收檔，唔好丟人現眼。

原圖：http://static.stheadline.com/stheadline/inewsmedia/20150507/_2015050721513070554_popup.jpg

http://news.takungpao.com/hkol/shjj/wz/2015-01/2908050_wap.html

投票已截止，多謝支持