博客

博客

有借新聞獎搞政治? 中大之名 不容騎劫!

施梓山 2021年11月16日 23:00

施梓山:「兩年一度的所謂『中大新聞獎』日前舉行頒獎禮,結果令人想起2019年黑暴期間中大變成『暴大』的不快記憶。一言以蔽之,『中大新聞獎』不是中大舉辦的!請中大新聞與傳播學院校友會放過中大吧!唔好再濫用『中大』這兩個字!」

👇 記得Follow 我哋 👇

IG: instagram.com/silentmajority.hk/
FB: fb.com/silentmajorityhk
Weibo: weibo.com/u/6655322587
Youtube : youtube.com/silentmajorityhk

兩年一度的所謂「中大新聞獎」日前舉行頒獎禮,結果令人想起2019年黑暴期間中大變成「暴大」的不快記憶。

這個「中大新聞獎」之所以用「所謂」來形容,原因係呢個活動根本唔係由中文大學舉辦,而係由中大新聞與傳播學院校友會自己搞嘅比賽,呢個校友會利用「中大」之名來行事,除咗有誤導別人之嫌,更疑似濫用中大名義。區區一個個別學院嘅校友會,憑乜嘢可以用「中大」之名,將成間中大擺上枱?令社會、公眾以為係中大搞嘅活動?

點解話今年呢個所謂「中大新聞獎」令人聯想到中大淪為「暴大」呢?因為呢個所謂「新聞獎」,12個獎項中,涉嫌撐黑暴嘅獲獎報道就有5個,佔了差不多一半。而獲獎嘅黃媒包括《蘋果日報》、《立場新聞》、《傳真社》和曾經被黃絲騎劫的香港電台。禍害香港的蘋果日報,執笠都仲可以借屍還魂做宣傳,如果話背後冇政治目的,邊個會信?

一份已經停刊嘅毒果報,舉辦團體仲要繼續頒獎畀佢,美其名係「個獎可以頒畀個人」,實在係冇嘢搵嘢嚟講。更加荒謬嘅係,港台在特區政府撥亂反正下,早已宣布製作的新聞節目不再參加任何新聞評選,但這個「中大新聞獎」卻仍然死心不息,夾硬要頒兩個獎畀港台,兩集黃絲有被害妄想症嘅「元朗721事件」嘅鏗鏘集。這種做法除了不尊重港台之外,更有涉嫌煽動仇恨和社會分化之嫌,而且疑似是一種對《國安法》的軟對抗,值得執法機構留意。

另外值得注意嘅係,有人似乎想利用呢個比賽嘅評審團組合名單,來為今次賽果「漂白」。根據資料,今次評審包括本港各大專院校新聞系嘅學者教授、多間香港傳媒嘅新聞部主管,例如無綫新聞部助理總經理袁志偉,有線新聞及公共事務副總經理許方輝等。而曾經為首宗違反《國安法》被告唐英傑,做辯方專家的中大新聞與傳播學院院長李立峯,以及曾經擔任《蘋果日報》總編嘅羅燦等,也是評委。有令人疑惑嘅「親黃」背景,加上今次選出歌頌黑暴「721」、「831」、「12逃犯」嘅新聞獲獎,認同一國兩制和香港穩定的大學教授和傳媒老總,是否應該考慮退出,不再為這類明顯帶有「親黃」政治傾向的比賽背書?

至於中大,話說回頭,中大這個校名今日嘅聲譽、口碑得來不易,是經過幾十年嘅累積、無數人嘅努力才能得到。所以中大這塊金漆招牌,校方有責任盡力維護,不應被人濫用校名影響校譽。對於這點,中大校方必須謹守立場,絕不妥協,才是負責任的做法。中大新聞與傳播學院校友會要搞乜嘢「新聞獎」或搞乜嘢政治,可以自己去搞個夠,但不應再濫用中大名義!中大有好多其他學科,唔係只有你一個新聞與傳播學系,點解要騎劫中大個名?

中大校方如今應該做嘅,就係盡快責成新聞與傳播學院校友會馬上停止使用「中大」這兩個字搞他們自己的活動,唔好再「擺中大上枱」,唔好再令人誤會呢個所謂乜乜新聞獎係由中大舉辦,而且要對外公開澄清,以及通知其他所有校友組織從今以後要慎用中大這兩個字。經過「暴大」污名的教訓,見過鬼怕黑,真正愛中大的校友,就算黃色政治上腦也不應再傷害中大,否則最終只會如同黑暴淪為過街老鼠。校友會就做返校友會應該做的事,不應再不務正業。搞咗20年冇人投訴,只因從前太過寬容變咗縱容,唔代表中大新聞與傳播學院校友會做法冇問題。更何況香港嘅新聞界同教育、醫護、社工等界別都係黑暴嘅重災區,中大新聞系有冇出問題大家心中有數。

一言以蔽之,「中大新聞獎」不是中大舉辦的!請中大新聞與傳播學院校友會放過中大吧!唔好再濫用「中大」這兩個字!

 


原圖:https://image.stheadline.com/f/1500p0/0x0/100/none/14149872ec931866626d3d156cc8c878/stheadline/news_res/2021/07/22/622259/i_src_149035425.jpg

 

 

 

 

 

 

投票已截止,多謝支持

發表意見

排列方式: