旺角暴亂發生至今已經3年，港獨派依然唔死心繼續搞搞震！港獨組織「香港獨立聯盟」日前在Facebook發文，號召港獨派「守護旺角夜市」，仲話要延續「義士精神」喎，期間仲得到「學生獨立聯盟」呼應。結果一遇到警察，成班港獨派即刻「淆底」，話自己嚟旺角「執垃圾」，真係笑大個口。

面對港獨派高調預告搞事，警方亦不敢怠慢派出數十名警員到場嚴陣以待。眼見現場秩序井然，無機可乘，「學生獨立聯盟」召集人陳家駒只好話過嚟做「義工」，仲搵嚟紙皮箱做垃圾桶。

陳家駒表示，警方事前曾接觸他們，但今次行動出於對這個地方的熱愛，不擔心造成衝突。不過呢班港獨派又點會咁好心，陳家駒仲係到顛倒是非，竟將旺角暴亂的責任歸咎於警方安排，真係屈得就屈，賴得就賴！

港獨派想搞事但又無膽，遇到警察就「淆底」縮沙，將搞事變成「執垃圾」，難怪被網民串爆：「又要威又要戴頭盔！」

原圖：學生獨立聯盟Facebook專頁圖片;

http://static.stheadline.com/stheadline/inewsmedia/20180928/_2018092819480788294.jpg

投票已截止，多謝支持