明年三月立法會空缺議席進行補選，各大門派已開始全力部署相應對策，準備決一生死！正所謂未到最後一刻，真的不知鹿死誰手，亦無人夠膽話自己贏緊的！而決定勝負除了日常工作及知名度外，選舉策略卻是非常重要一環，能把握機會的可由輸變贏，若行錯一步亦可能由贏變輸，非常刺激！

今次令我比較留意的就是「中大學生會」前會長張秀賢和「社區網絡聯盟」發言人劉穎匡，這兩人近期動作多多，突然又聲明不再支持「香港獨立」，又話一心一意擁護《基本法》，仲高調宣傳「青年新政」和梁頌恆等將全力支持！乜「青年新政」仲未執笠咩？仲有影響力咩？兩位仁兄會否搵錯人支持呀？

當日神推鬼㧬俾佢哋呃了的市民經已悔恨不已，以為送他們入議會可代為發洩不滿。點知班友一朝得志語無論次，竟敢公然侮辱自己祖宗和全部中國人，仲要死撐爛撐搞到今日一敗塗地，與過街老鼠毫無分別！最慘還是一班當日被他們落了咒的年輕人，早午晚也努力不懈在街上90度鞠躬向市民拉票，原來是做了一個不義的義工！

雖則他們能獲得短暫勝利，可惜結局只剩一場空，但也有得着的，超碼聲名遠播，贏了一個千古罪人的臭名！咁嘅情況居然重有人搵佢地支持？有腦的也絕對不會啦！莫非是選舉策略想改頭換面再戰江湖？你估仲有無人相信呢？突然又話唔支持「港獨」，又話要擁護《基本法》，講大話講到咁大呀！係人都知佢哋嘅政治光譜啦！想入閘真係可以去到咁，難為了！咁容易就改變立場點代表市民呀！又想呃選票又想呃年輕人幫手？條橋唔掂喎！攞完大家着數就即刻玩嘢，咪再當香港人係儍瓜啦！

原圖：https://www.facebook.com/TommyCheung0416/photos/a.468175966559442.98635.467804246596614/1752360571474302/?type=3&theater;

https://www.facebook.com/photo.php?fbid=10207642421311177&set=piaarp.1010841054.10207642400430655&type=3&theater

投票已截止，多謝支持